Axenda 2030

O proxecto Clean Energy for EU Islands, foi creado pola Comisión Europea, para facilitar a transición das illas europeas cara as enerxías renovables. Trátase dun proceso vertical, de abaixo cara a arriba, que garantice un entorno óptimo de cambio beneficioso para toda a comunidade isleña e a través da colaboración equilibrada entre as partes interesadas públicas e privadas.
A Illa de Arousa foi seleccionada a comezos de 2019 como unha das 26 illas europeas participantes nesta iniciativa co obxectivo da redacción da súa Axenda 2030 e a preparación técnica e financeira de proxectos de xeración e eficiencia enerxética en diferentes niveis e sectores.
Despois dun ano de traballo, o Equipo de Transición da Illa de Arousa presentou este documento estratéxico, que define a folla de ruta no proceso de cambio cara a as enerxías limpas. Deseñado por e para a comunidade local e a partir dunha análise dinámica actual, proporciona unha visión compartida dos diferentes axentes implicados da comunidade insular. Un documento vivo coas estratexias iniciais para comezar a traballar dende os diferentes sectores da comunidade.
Os proxectos e actuacións propostas, estrutúranse en seis piares, que serán esenciais no proceso da transición enerxética para a descarbonización e a mitigación dos efectos do cambio climático.